dudu rembulaning wengi sing mranani
apa dene dudu lintang-lintanging wengi sing merak ati
peteng, rembulan lan lintang-lintanging wengi
kethèkan daya
nalika bangun esuk
srengenge ndadari
njungkar sakabehe
wengining ati iku sing medeni
wengining budi sing nggegirisi
wengining pangarep-arep iku sing mateni
wengining iman sing nyumelangi
padhang dadi petheng
pethengé saya ndedet
sing putih dadi ireng
sing ireng dadi putih
sing bener dadi luput
sing luput dadi bener
wengining jalmi,
jalmining petheng
iku sing nyumelangi.
28 Juli 2006, 23.01’
No comments:
Post a Comment